Azad agent olan Skotti Pippen “Memfis Qrizliz”lə müqavilə imzalayacaq. Tərəflər iki illik sözləşməyə imza atmağa razı olublar.
23 yaşlı oyun qurucusu “Çikaqo Bulls”un əfsanəsi, Maykl Cordanın komanda yoldaşı Skotti Pippenin oğludur. O, bu mövsüm “Los-Anceles Leykers”in farm-klubunda G liqada çıxış edir. Müdafiəçinin orta göstəriciləri bir oyun üçün 20 xal və 5,9 asistə bərabərdir.
Əlavə edək ki, Memfis komandası hazırda oyunçu baxımından qıtlıq içindədir. Uzun müddətli diskvalifikasiyadan sonra heyətə dönən Ca Morant zədələnərək komandadan kənarda qalıb. “Qrizliz”in lideri üçün mövsüm başa çatdığından komanda yeni pleymeyker axtarışına çıxıb.