Daşkəndin “Paxtakor” klubu satışa çıxarılıb. Bu barədə Özbəkistan Dövlət Aktivlərinin Xidməti Agentliyi məlumat yayıb. Qeyd edək ki, hazırda klubun səhmlərinin hamısı dövlətə məxsusdur.
Satış zamanı əsas tələblərdən biri klubun inkişafı, komandanın beynəlxalq səviyyəyə çıxması, akademiyanın saxlanılması və fəaliyyətinin davam etdirilməsi, bütün idman obyektlərindən, o cümlədən, futbol stadionundan tam istifadəyə təminatın verilməsidir.
“Paxtakor” Özbəkistanın ən titullu komandasıdır. Klubun aktivində 15 ölkə çempionluğu və 13 kuboku var.