“Dallas Maveriks” komandasının ulduzu Luka Donçiçin atası Saşa Sloveniya Basketbol Federasiyasının idman direktoru vəzifəsinə təyin edilib. Bu barədə qurumun mətbuat xidməti məlumat verib. Bundan əvvəl o, televiziyada ekspert kimi çalışırdı.
Məlumata görə, Saşa Donçiçin əsas vəzifəsi federasiya ilə yığma komanda arasında əlaqələndirici funksiyanı yerinə yetirmək olacaq. Həmçinin o, Sloveniya liqası və ölkədən kənarda çıxış edən yerli basketbolçuları izləyəcək.
Xatırladaq ki, keçən ilin iyul ayında bu postu tutan Radoslav Nesteroviç gözlənilmədən istefa vermişdi. Həmin müddətdən bəri idman direktoru vəzifəsi boş qalmışdı.