MBA-da bu gecə 6 oyun keçirilib. Çempionatın lideri “Boston Seltiks” Hyustonda qonaq olub. Ötən görüşdə evdə ardıcıl qələbələr seriyasının qırılmasından sonra “Seltiks”, səfərdə bunun əvəzini çıxıb.
Komandanın ən məhsuldar oyunçusu Porzingis olub. Latviyalı mərkəz basketbolçusu 32 xal toplayıb. Meydan sahiblərinin heyətində yenə də Alperen Şengünü qeyd etmək lazımdır. O, növbəti dəfə tripl-dabl edib. Şengün 24 xaldan əlavə 12 ribaund və 10 məhsuldar ötürmə edib.
Son çempion “Denver Naggets” səfərdə növbəti qələbəni qazanıb. Komanda “Vaşinqton Vizards”ı 113:104 hesabı ilə məğlubiyyətə uğradıb.
“Orlando Mecik” evdə “Mayami Hits”ə qalib gəlib. “Finiks Sans” də qalib gəlib. Kevin Dürant görüşdə 40 xal toplayıb. “Los-Anceles Leykers” evdə “Portlend Treyl Bleyzers”dən üstün olub. Lebron Ceyms görüşü 28 xalla tamamlayıb.