1968-ci il Olimpiya Oyunlarında Bob Bimon tərəfindən qazanılmış qızıl medal auksiona çıxarılır. Bu barədə “Christie`s” hərrac evinin rəsmi saytı məlumat verib.
128 qram çəkiyə malik qızıl suyuna salınmış medal, 10 gündən sonra keçiriləcək hərracda satışa çıxarılacaq. Medalın diametri 6 sm-dir. Onun ilkin qiyməti 400 mindən 600 min dollara qədər olmalıdır.
Xatırladaq ki, Bob Bimon uzunluğa tullanma üzrə olimpiya çempionudur. Həmin oyunlarda o, 8 metr 90 sm uzunluğa tullanmaqla rekorda imza atmışdı. Bimonun dünya rekordu yalnız 1991-ci ildə Maykl Pauel tərəfindən qırılmışdı. Pauel Tokioda keçirilən dünya çempionatında 8 metr 95 sm uzunluğa tullanmışdı. İndiyədək Olimpiya oyunlarının rekordu məhz Bob Bimonda qalmaqdadır.