“Liverpul” İngiltərə Liqa kubokunun yarımfinalında “Fulhem”i üstələyərək (1:0, 1:1) finala adlayıb.
Futbolinfo.az xəbər verir ki, mersisaydlılar bununla da tarixlərində 14-cü dəfə İngiltərə Liqa kubokunun finalına yüksəliblər.
Bu isə rekord deməkdir. Daha əvvəl heç bir komanda belə nəticə göstərməyib.
“Liverpul” ümumilikdə 9 dəfə İngiltərə Liqa kubokunu qazanıb.
Yurgen Kloppun baş məşqçilik etdiyi komanda builki finalda “Çelsi” ilə qarşılaşacaq. Görüş fevralın 25-də “Uembli” stadionunda keçiriləcək.