“Turan Tovuz” Futbol Akademiyasının məşqçi və futbolçu heyətinə oyun qaydaları ilə bağlı seminar keçirilib.
Futbolinfo.az xəbər verir ki, U-15, U-16, U-17 və U-19 komandaları üçün nəzərdə tutulan seminara akademiyanın koordinatoru Rasim Əliyev rəhbərlik edib.
O, oyun qaydalarındakı yeniliklər haqqında məlumat verib. Müxtəlif matçlardan seçilmiş epizodlar müzakirə edilib. Seminar sual-cavab bölməsi ilə başa çatıb.
Qeyd edək ki, iki gün əvvəl AFFA Hakimlər Komitəsinin sədri Barış Şimşək “Turan Tovuz”un əsas komandasının məşqçi və futbolçu heyətinə oyun qaydaları üzrə seminar keçib.