Lion “Olimpik”i iki transferi reallaşdırmağa çalışır. Fransa klubu Orel Manqala və Said Benrahmanı heyətə qatmaq üzrədir.
Futbolinfo.az xəbər verir ki, Manqalanın keçidi tamamlanıb. Konqo əsilli belçikalı “Nottingem Forest”i tərk etmək üzrədir. 2022-ci ilin yayında “Ştutqart”dan 13 milyon avroya transfer edilən 25 yaşlı yarımmüdafiəçi üçün nə qədər xərcləndiyi açıqlanmır.
6 il öncə “Nitsa”nın “Brentford”a 1,7, bu klubun isə 2021-ci ilin qışında “Vest Hem”ə 23 milyon avroya satdığı Benrahmanın Fransaya dönüşü isə dəqiqdir. Əlcəzairli cinah hücumçusu mövsümün sonunadək 5 milyon avro qarşılığında icarədə olacaq. Lionlular mövsümün bitimində əlavə olaraq 12 milyon avro ödəyərək 28 yaşlı futbolçunu birdəfəlik heyətə qatacaq.
