Milli Basketbol Assosiasiyasının çempionu, ispaniyalı oyunçu Mark Qazol doğma Barselona şəhərində mətbuat konfransı keçirərək, karyerasını başa vurduğunu açıqlayıb.
20 illik karyerası ərzində (2003-23) Qazol MBA çempionu (2019), MBA-da ilin ən yaxşı müdafiəçisi (2013) olub, üç dəfə All-Star (2012, 2015, 2017) oyununda iştirak edib.
Xatırladaq ki, MBA-da o, “Memphis Grizzlies”, “Toronto Raptors” və “Los Angeles Lakers”də oynayıb. The “Athletic” nəşrinin məlumatına görə, Memfisdə onin çıxış etdiyi 33 nömrəli forma əbədiləşdiriləcək.
Qazol İspaniya millisi ilə Dünya Çempionatında iki dəfə qızıl medal (2006, 2019) qazanıb. Beş dəfə Avropa Çempionatında iştirak edib (2009 və 2011-də qızıl; 2007-də gümüş; 2013 və 2017-də bürünc). Bundan başqa o, iki dəfə Olimpiya Oyunlarının gümüş mükafatçısı olub (2008, 2012).