“Qarabağ”ın Avropa Liqasının pley-off mərhələsindəki rəqibi “Braqa” Portuqaliya çempionatında 20-ci tur oyununa çıxıb. Komanda evdə “Moreyrense” ilə qarşılaşıb.
“Braqa” rəqibinə 1:0 hesabı ilə qalib gəlib. Oyundakı yeganə qolu 8-ci dəqiqədə Abel Ruiz vurub. Bu oyunu “Qarabağ”ın video-analitik məşqçisi Yanuş Vasilyev tribunadan izləyib.
Qeyd edək ki, hazırda “Braqa” Portuqaliya çempionatının turnir cədvəlində 40 xalla 4-cüdür.
Əlavə edək ki, “Qarabağ” ilə “Braqa” arasında ilk oyun fevralın 15-də Portuqaliyada, cavab görüşü isə 22-də Bakıda keçiriləcək.