İngiltərəli peşəkar snuker oyunçusu, 2019-cu ilin dünya çempionu Cad Tramp “German Masters 2024” turnirinin qalibi olub.
Finalda Tramp Çin təmsilçisi Si Jiahuiyə 10:5 hesabı ilə qalib gəlib.
Xatırladaq ki, yarımfinal mərhələsində Tramp həmyerlisi Sem Kreyqi məğlub etmişdi. Si Jiahui də öz növbəsində finala çıxmaq uğrunda görüşdə ingilis Kiron Vilsona qalib gəlmişdi.
Yanvarın 29-da başlayan “German Masters 2024” turniri Berlinin “Tempodrom” arenasında baş tutub.
Turnirin ümumi mükafat fondu 427 min funt sterlinq (500 min avro) təşkil edib. Yarışın qalibi olduğu üçün Tramp 80 min funt sterlinq (93 min avro) alıb. Si Jiahui isə öz növbəsində ikinci yeri tutduğu üçün 35 min funt sterlinq (41 min avro) mükafata yiyələnib.