Almaniyanın “Bayer” klubu tarixi rekorda imza atıb. Leverkuzenlilər məğlubiyyətsizlik oyunlar seriyasını 30 oyuna çatdırmaqla klub rekordunu yeniləyiblər.
Xabi Alonsonun yetirmələri son olaraq dünən Almaniya Kubokunun 1/4 final mərhələsində “Ştutqart”a 3:2 hesabı ilə qalib gəliblər. Bu, “Bayer”in son 8 görüşdə 7-ci qələbəsidir.
Qeyd edək ki, “Bayer” növbəti matçını fevralın 10-da keçirəcək. Komanda həmin gün Bundesliqanın XXI turunda “Bayern”lə üz-üzə gələcək. Leverkuzen təmsilçisi sonuncu dəfə ötən ilin mayında məğlubiyyət görüb.