MBA-da bu gecə 7 oyun baş tutub. Bu qarşılaşmalardan sonra Qərb konfransında lider dəyişib. Minnesota və Oklahoma-Siti komandalarının məğlubiyyətlərindən sonra “Los-Anceles Klippers” birinci yerə qalxıb.
“Timbervulvz” Çikaqo səfərində məğlubiyyətlə üzləşib – 123:129. Minnesotalıların heyətində Edvards 38 xal və 12 ribaundla dabl-dabl edib. “Oklahoma-Siti Tanders” isə “Yuta Caz”a 117:124 hesabı ilə uduzub. Meydan sahiblərinin finlandiyalı basketbolçusu Markanen 33 xal yığıb.
“Hyuston Rokets” yenə də səfərdə məğlubiyyətlə üzləşib. Onlar bu dəfə “İndiana Peysers” qarşısında aciz qalıblar – 129:132. Alperen Şengün 20 xal və 10 ribaundla dabl-dabl edib.
Donçiç və İrvinqin məhsuldarlığı “Dallas Maveriks”ə “Bruklin Nets” üzərində qələbə qazanmağa yardım edib – 119:107. Mayamidə isə yerli komanda prinsipial rəqiblərindən biri “Orlando Mecik”ə 121:95 hesabı ilə qalib gəlib.
“Finiks Sans” doğma arenada konfransın liderlərindən biri “Miluoki Baks” üzərində qələbə qazanıb. Batler 32, Dürant isə 28 xal toplayıb. Qonaqların ulduzu Yannis Antetokumbo oyunu 34 xal və 10 ribaundla tamamlayıb.