“Los-Anceles Klippers” komandası Pi Cey Takeri başqa komandaya dəyişmək variantları üzərində çalışır. Əgər keçid baş tutsa, “Klippers” komandası Takerin 250 cütdən artıq krossovkasının da başqa şəhərə göndərilməsinə yardım etmək məcburiyyətində qalacaq.
“Pi Cey həqiqətən də anomaliyadır. Onu heyətə qatdığımız zaman Denverdən yeni 10 cüt krossovka göndərildi. Bir oyunçuya il ərzində 10 cüt krossovka bəs edir. Takerə isə 250 cüt də çatmır.
O gəldikdən sonra biz anbar açmalı olduq. Bu vaxta qədər mən bu sayda orijinal krossovka görməmişəm. Onlar eksklüziv hazırlanmış krossovkalardır. Dünyada bəzilərindən cəmi bir neçə nəfərdə var”, – deyə ESPN-ə müsahibəsində “Klippers”in idman əməliyyatları üzrə direktoru Maks Reza bildirib.
