La Liqanın prezidenti Xavyer Tebas Kilian Mbappenin İspaniyaya köçməsindən məmnundur. O, ulduz futbolçuların çoxluğunun çempionatıa rəng qatdığını, səviyyəni yüksəltdiyini deyir.
Futbolinfo.az xəbər verir ki, Tebas “Real”ın Fransa millisinin üzvünü transfer etmək şansının hər keçən gün daha da artdığını düşünür: “Bir müddət öncə transferin reallaşma faizinin 50-yə bərabər olduğunu demişdim. Hər keçən gün gün ehtimal daha da artır. PSJ-nin hücumçu ilə yeni anlaşma imzalaması yubandıqca daha da ümidlənirəm”.
Tebas “Real”ın maliyyə durumunun ürəkaçan olduğunu və yeni transferlərin olacağını düşündüyünü bildirib: “Alfonso Devisi də transfer etsələr, təəccüblənmərəm. Madridlilərin maliyyə durumu mükəmməldir. Son illərdə çılğınlıq etmədilər və sabitlik onların xeyrinə işlədi”.