“Los-Anceles Leykers” komandası əfsanəvi basketbolçu Kobi Brayantın xatirəsini arenanın yanında abidə qoymaqla əbədiləşdirib. Xatırladaq ki, komandanın tarixi ərzində ən güclü basketbolçularından biri vertolyot qəzasında həyatını itirib.
Abidənin açılışında Kobi Brayantın ailəsi də iştirak edib. Mərhum basketbolçunun həyat yoldaşı Vanessa 3 qızı – Natalya, Byanka və Kapri ilə birlikdə abidənin önündə şəkil də çəkdirib.
Qeyd edək ki, heykəldə duruş 2006-cı ildə “Los-Anceles Leykers” – “Toronto Reptors” oyunundan götürülüb. Həmin görüşdə Brayant 81 xal toplamışdı. Bu da liqa tarixində bir basketbolçunun məhsuldarlığna görə ikinci nəticədir.
