“Orlando Mecik” komandası əfsanəvi basketbolçu Şakil O`Nilin 32 nömrəli formasını əbədiləşdirib. Təqdimat “Toronto Reptors”la oyundan əvvəl baş tutub.
Qeyd edək ki, basketbolçu karyerasına məhz Florida komandasında başlamışdı. Maraqlıdır ki, Şakil Orlando komandasının tarixində belə şərəfə nail olan ilk oyunçudur. “Mecik” onun formasını əbədiləşdirən 3-cü komanda olub. Bu vaxta qədər “Los-Anceles Leykers” və “Mayami Hits” də O`Nilin formasını əbədiləşdirmişdi.
Orlando komandasının heyətində mərkəz basketbolçusu 6 mövsüm keçirib. Burada çempion olmasa da, komanda 1995-ci ildə finala yüksələ bilib.