Azərbaycan futboluna yeni sponsor gəlir. AFFA bu gün ölkənin tanınan banklarından biri ilə əməkdaşlıq müqaviləsi bağlayacaq.
Futbolinfo.az saytının əldə etdiyi məlumata görə, sözügedən bankla anlaşma hakimliklə bağlı olacaq. Belə ki, ədalət təmsilçilərinin geyimində bank adı öz yerini alacaq. Hakimlərin təlim-məşq toplanışları, yeni hakimlərin yetişdirilməsi layihəsi məhz yeni sponsorun dəstəyi sayəsində baş tutacaq.
Anlaşmanın müddəti, eləcə də ayrılacaq vəsaitlə bağlı məlumat yoxdur. Yəqin ki, imza mərasimində bütün detallar açıqlanacaq.