MBA-da bu gecə 3 oyun keçirilib. Onlardan ikisinə xüsusi diqqət yetirmək lazımdır.
Qərb konfransında pley-offa düşmək uğrunda mübarizə aparan iki rəqibin qarşılaşması Solt-Leyk Sitidə baş tutub. “Yuta Caz” doğma arenada “Qolden Steyt Vorriors”la bacarmayıb – 137:140.
2022-ci ilin çempionu son 7 oyunda 6-cı qələbələrini qazanıb. Bununla da onlar pley-in zonasında möhkəmlənməyi bacarıblar. Meydan sahiblərinin heyətində qeyd ediləsi məqamı debütant Keyonte Corcun üç xallıq atışlarıdır. O, 9 dəfə dəqiq olmaqla liqa tarixinin debütantlar üçün rekordunu təkrarlayıb. Onun komanda yoldaşı Sekston isə 36 xalla oyunu ən məhsuldar basketbolçusu olub.
Gecənin gözlənilməz nəticəsi Memfisdə qedə alınıb. Yerli komanda “Miluoki Baks”ı məğlubiyyətə uğradıb – 113:110. Yannis Antetokumbonun 35 xalı komandasını xilas etməyib.
“Minnesota Timbervulvs” isə autsayderlə oyunda büdrəməyib. Onlar Portlend səfərində 128:91 hesabı ilə qələbə qazanıblar. Edvards görüşdə 38 xal toplamaqla komandasının qələbəsində böyük rol oynayıb.