“Qarabağ” qapıçısı Andrey Lunyovla bağlı qərarını verib.
Futbolinfo.az xəbər verir ki, Azərbaycan çempionu rusiyalı qolkiperə yeni müqavilə təklif edib. Bunu Lunyovun nümayəndəsi Anton Smirnov açıqlayıb. O, hazırda tərəflər arasında danışıqlar getdiyini bildirib: “Müqavilənin yenilənməsi təklifi “Qarabağ”dan gəlib. Şərtlər müzakirə olunur”.
Qeyd edək ki, “Qarabağ”a mövsümün əvvəlində “Bayer”dən keçən 32 yaşlı futbolçunun sözləşməsi yaya qədərdir.