Tennis üzrə turnirlərin məkanı okeanın o tayına döğru keçir. Qarşıdakı günlərdə ABŞ-də bir neçə güclü yarış baş tutmalıdır. “Masters” seriyasından olan İndian-Vels və Mayami turnirləri tennis həvəskarlarının ən çox gözlədiyi çempionatlardan biridir. Buna görə də tennisçilər artıq yavaş-yavaş Amerikaya yollanır.
Yarışları daha da həyəcanlı edən məqam Rafa Nadalın orada iştirakıdır. Daha dəqiq desək Nadal-Cokoviç görüşünün yenidən baş tutma ehtimalı hər kəsi intriqada saxlayır. Təsadüfi olaraq tennisçilər Avropadan okeanın o tayına eyni təyyarədə yollanıblar.
Zədədən sonra gərgin qrafikdən uzaq qaçan Nadal Mayamidə oynamayacaq. İndian-Velsdə isə o, Cokoviçlə qarşılaşa bilər. Hazırda ispan tennisçi dünya reytinqində 622-ci sıradadır. Buna görə də iki əfsanənin ilk mərhələlərdə rastlaşma ehtimalı çox yüksəkdir.
Xatırladaq ki, İndian-Velsdəki turnirə qədər Rafa Las-Veqasda Karlos Alkarasla qarşılaşmalıdır. Həmin oyun martın 3-də baş tutacaq.