“Hələ ki, müqavilə imzalamamışam. Sabah bu barədə danışacağıq”.
Bunu futbolinfo.az-a açıqlamasında “Zirə”nin yeni transferi Sezar Meza Kolli deyib.
Paraqvaylı yarımmüdafiəçi hər şeyə sabah aydınlıq gələcəyini bildirib: “Bütün detallar bəlli olduqdan sonra sizə məlumat verə bilərəm. Müqavilə imzalamadığım üçün indi danışmaq istəmirəm”.
Xatırladaq ki, paraqvaylı futbolçu Sezar Meza Kolli “Zirə” ilə müqavilə imzalamaq üçün Bakıya gəlib. Bu gün tibbi müayinədən keçmiş futbolçu sabah rəsmi müqaviləyə imza atacaq.