Türkiyənin “Pendikspor” klubunun yeni baş məşqçisi məlum olub.
Futbolinfo.az xəbər verir ki, Super Liqa təmsilçisini bundan sonra İbrahim Üzülməz çalışdıracaq.
Bu barədə İstanbul klubunun mətbuat xidməti məlumat yayıb. Üzülməz bu vəsifədə istefaya göndərilən İvo Vieyranı əvəzləyib.
Üzülməz son olaraq “Eyüpspor”u çalışdırıb. O, ötən ilin martından işsiz idi. 49 yaşlı mütəxəssisin yeni komandası topladığı 26 xalla Super Liqada 20 iştirakçı arasında 19-cudur.