“Los-Anceles Klippers” komandası ciddi itki ilə üzləşib. Komandanın veteranlarından biri Rassel Vestbruk “Vaşinqton Vizards”la qarşılaşmada zədələnib. Pleymeykerin sol əli sınıb.
ABŞ mətbuatının məlumatına görə, 35 yaşlı müdafiəçi üçün mövsüm sona çatıb. O, matçın 3-cü periodunda həkimlərin müşayiəti ilə arenanı tərk edib.
Vestbruk bu mövsüm 57 oyunda iştirak edib. Onun orta göstəriciləri 11,2 xal, 5,2 ribaund və 4,5 ötürmədən ibarətdir.
Xatırladaq ki, Vestbruk MBA tarixinin ən çox tripl-dabl edən basketbolçularındandır.