MBA-da bu gecə 9 oyun keçirilib, maraqlı olaylar yaşanıb. Bunlar arasında Luka Donçiçin növbəti tripl-dablını qeyd etmək olar. “Sakramento Kinqs”in müdafiəçisi Malik Monk da məhsuldarlığı ilə diqqət çəkib. Onun 39 xalı sayəsində “Kinqs” səfərdə konfransın lideri “Minnesota Timbervulvs”u məğlubiyyətə uğradıb – 124:120.
Minnesota təmsilçisinin məğlubiyyətindən onu təqib edən komandalar istifadə edib. “Klippers” Los-Ancelesdə “Vaşinqton Vizards”a qalib gəlib – 140:115. Harden 28, Leonard 27, Corc isə 22 xal toplayıb.
“Boston Seltiks” doğma arenada “Dallas Maveriks”dən 138:110 hesabı ilə üstün olub. Teytum görüşü 32 xalla tamamlayıb.
“Qolden Steyt Vorriors” son 13 oyununda 11-ci qələbəsini qazanıb. Bu dəfə onlar Torontoda qalib gəliblər – 120:105. Bu nailiyyət “Vorriors”u pley-off zonasına bir qədər də yaxınlaşdırıb.
“Miluoki Baks” Çikaqoda qələbəyə nail olub. Görüşün qəhrəmanı olan Yannis Antetokumbo 46 xal toplayıb. Qələbə sayəsində “Baks” ikinci yerdə gedən “Klivlend Kavalers”ə yaxınlaşıb.