Bu gecə Torontoda keçirilən “Reptors” – “Vorriors” qarşılaşmasında diqqət ediləsi hadisə baş verib. MBA-nın müntəzəm çempionatının oyununda Həbib Nurməhəmmədov iştirak edib. O, oyundan əvvəl qonaq komandanın ulduzu Stiv Körri ilə görüşüb.
“Əfsanəvi Körri ilə Torontoda”, – deyə UFC-nin keçmiş çempionu sosial şəbəkə hesabında yazıb.
Oyunun ən məhsuldar basketbolçusu da məhz elə Körri olub. Onun 25 xalı “Qolden Steyt Vorriors”a qələbə qazandırıb.
Xatırladaq ki, Həbib Nurməhəmmədov son döyüşünü 2020-ci ilin oktyabrında UFC254 turnirində Castin Getjiyə qarşı keçirmişdi. Həmin döyüşdə qalib gələn Həbib karyerasını sona çatdırdığını elan etmişdi.