MBA-da bu gecə 7 oyun baş tutub. “Qolden Steyt Vorriors” gözlənilmədən evdə “San Antonio Spörs”ə məğlub olub – 113:126.
Maraqlıdır ki, qələbə komandanın lideri Viktor Vembanyamanın yoxluğunda baş verib. Meydan sahiblərinin lideri Stiv Körrinin zədəli olduğuna görə oynamadığı matçda ən çox xalı Kley Tompson yığıb. Onun aktivində 27 xal var.
“Finiks Sans” evdə “Boston Seltiks”lə bacarmayıb – 107:117. Kevin Dürant 45 xal toplayıb. Qonaq komandada Teytumun aktivində 29 xal var.
Luka Donçiç növbəti dəfə ripl-dabl edib. Sloveniyalı basketbolçu Detroytda 39 xaldan başqa 10 ribaund və 10 asist edib. “Maveriks” oyunu 142:124 hesablı qələbə ilə bitirib. Bu məğlubiyyətdən sonra “Pistons” pley-inə yüksəlmək şansını itirən ilk komanda olub.
Son çempion “Denver Naggets” “Yuta Caz”a 142:121 qalib gəlib. Portlenddəki oyun isə overtaymla yekunlaşıb. “Treyl Bleyzers” “Toronto Reptors”u əlavə hissədə məğlub edib – 128:118.