MBA-da həftənin son günü 8 oyun keçirilib. Öz konfranslarında favorit sayılan “Miluoki Baks” və “Los-Anceles Klippers” Kaliforniyada üz-üzə gəlib. Qonaq komanda 3-cü periodda həlledici həmlə edərək qalib gəlib – 117:124. Lillard 35, Antetokumbo isə 34 xal toplayıb. Onların hər ikisi dabl-dabl edib.
Arena boşaldıqdan sonra “Leykers”in ixtiyarına verilib. Lebron Ceymsin komandası “Minnesota Timbervulvs”u qəbul edib. Görüş kaliforniyalıların qələbəsi ilə yekunlaşıb – 120:109. Lebron görüşü 29 xalla tamamlayıb.
Bütün çempionat boyu səfərdə zəif oyun nümayiş etdirərək cəmi 5 qələbə qazanan “Hyuston Rokets” “Sakramento Kinqs”dən üstün olub – 114:122. Bu da Texas təmsilçisinin ardıcıl 3-cü səfər qələbəsidir. Alperen Şengün cəmi 15 xal toplayıb.
Nyu-Yorkda “Filadelfiya Siksers” qalib gəlib. Oyun qeyri-məhsuldar alınıb. Komandalar cəmi 152 xal toplaya bilib (73:79). Mayamidə də meydan sahibləri qələbə qazana bilməyiblər. “Hits” “Vaşinqton Vizards” qarşısında aciz qalıb – 108:110.