Braim Dias Mərakeş milli komandasında oynayacaq. “Marca” qəzetinin verdiyi məlumata görə, yarımmüdafiəçinin qərarı qətidir.
Məlumata əsasən, İspaniya Kral Futbol Federasiyası oyunçuya lazımi marağı göstərməyib. Beləliklə, futbolçu dəvət alacağı təqdirdə bu ay Mərakeş millisində debüt edə bilər. Yığmanı martın 22-də Anqola , 26-da isə Mavritaniya ilə oyunlar gözləyir.
Malaqa şəhərində anadan olan Braimin valideynləri Mərakeşdəndirlər. Futbolçunun ata tərəfdən nənəsi Mərakeşdə anadan olub. Braimin özü yeniyetmə və gənc yaşlarında İspaniya millisinin şərəfini qoruyub.