Qadın voleybolçular arasında Azərbaycan çempionatında növbəti oyunlar keçiriləcək.
Futbolinfo.az xəbər verir ki, Yüksək Liqada 17-ci turun qarşılaşmaları martın 12-də və 13-də baş tutacaq.
Martın 12-də GİN-in Voleybol Mərkəzində ilk olaraq “Milli Aviasiya Akademiyası” və “Murov Az Terminal” komandaları üz-üzə gələcəklər. Bu görüş saat 15:00-da start götürəcək.
Ardınca “Azərreyl” və “Gəncə” qarşılaşması baş tutacaq. Oyunun start fiti saat 18:00-da veriləcək və “CBC Sport” kanalı vasitəsilə canlı yayımlanacaq.
Tura martın 13-də UNEC – “Abşeron” matçı ilə yekun vurulacaq. Qarşılaşma UNEC-in idman zalında təşkil olunacaq.
12 mart
15:00. “Milli Aviasiya Akademiyası” – “Murov Az Terminal”
18:00. “AZERRAIL” – “Gəncə”
13 mart
18:00. UNEC – “Abşeron”