Azərbaycan UEFA reytinqində xal ehtiyatını artıra bilməyib.
Futbolinfo.az xəbər verir ki, avrokuboklardakı yeganə təmsilçimiz “Qarabağ” Avropa Liqasının 1/8 final mərhələsində Almaniyada “Bayer”ə 2:3 hesabı ilə məğlub olub. Ağdam klubunun mübarizəni dayandırması ilə Azərbaycanın cari mövsümdəki yekun mövqeyi müəyyənləşib. Ölkəmiz son 5 mövsümdə topladığı 20,125 xalla 27-ci yeri tutub. Cari mövsümdəki qazancımız isə 5,875 xal olub.
Reytinqə 103.178 əmsalla İngiltərə başçılıq edir. İspaniya (87.864) ikinci, İtaliya (86.998) isə üçüncü pillədə qərarlaşıb.