“Mançester Yunayted” klubunun yeni həmsahiblərindən biri Cimmi Retklif Portuqaliya yığmasının futbolçusu Kriştianu Ronaldo haqqında danışıb.
“MY-nun tarixində ən yaxşı futbolçu kimdir? Fikrimcə, Kriştianudur. Bobbi Çarlton elə də yaxşı yadımda qalmayıb. O, klubun əfsanəsidir. Lakin bir dəfə bu barədə Aleks Ferqyussona sual verdim. O, Ronaldonun adını çəkdi”, – deyə Retklif “Goal” nəşrinə müsahibəsində qeyd edib.
Xatırladaq ki, Ronaldo 2022-ci ildə “Mançester Yunayted”dən “Əl Nəsr” komandasına keçib. Bu mövsüm o, Səudiyyə Ərəbistanı komandasının heyətində 33 oyunda 30 qol vurub və 11 məhsuldar ötürmə edib.