Avropa çempionatında iştirak edəcək çimərlik voleybolu üzrə 18 yaşadək (U-18) qızlardan ibarət Azərbaycan yığması yarışa hazırlığını Türkiyədə davam etdirəcək.
Futbolinfo.az xəbər verir ki, komandamız bu məqsədlə bu gün Antalya şəhərinə yola düşüb.
Rusiyalı mütəxəssis İqor Olefirin rəhbərlik etdiyi yığmamız burada 14 gün təlim-məşq toplanışı keçəcək. Komandamız bir neçə yoxlama matçında da qüvvəsini sınayacaq.
Təlim-məşqlərə 7 qız voleybolçu cəlb olunub. Baş məşqçi İqor Olefirə məşqlərdə Nihad Tarverdiyev kömək edəcək.
Qeyd edək ki, AÇ-2024 (U-18) bu il iyulun 11-dən 14-dək Gürcüstanın Kaçreti şəhərində baş tutacaq.