“İnter” Mario Hermosonu transfer etmək istəyir. Milanlılar “Atletiko”nun futbolçusuna dəqiq şərtləri olan anlaşma təklif edib.
Futbolinfo.az xəbər verir ki, İtaliya klubu 28 yaşlı müdafiəçi ilə 4+1 illik müqavilə bağlamaq niyyətindədir. Razılıq əldə olunsa, ispan oyunçu mövsümə 5 milyon avro qazanacaq.
Hazırda zədədən əziyyət çəkən oyunçu madridlilərdən də yeni müqavilə təklifi alıb. 2019-cu ildən “Atletiko”da olan Mario yayda azad agentə çevriləcək. “İnter” 25 milyon avro transfer dəyəri olan futbolçu üçün xərcə düşməyəcəyndən, bu keçiddə daha çox maraqlıdır.