Qadın voleybolçular arasında Azərbaycan çempionatında növbəti oyunlar keçirilib.
Futbolinfo.az xəbər verir ki, 19-cu tur çərçivəsində paytaxtda iki, Gəncədə isə bir görüş baş tutub.
Bakıda GİN-in Voleybol Mərkəzində “Azərreyl” və “Milli Aviasiya Akademiyası” üz-üzə gəliblər. Matça daha yaxşı başlayan “Azərreyl” üstünlüyünü sonadək qoruyub və 3:0 hesabı ilə qələbə qazanıb.
Günün növbəti oyununda “Gəncə” doğma meydanda “Abşeron”u qəbul edib. Meydan sahibləri ilk setdən təşəbbüsü ələ alıblar və yekunda 3:0 hesabı ilə qalib gəliblər.
Tura UNEC – “Murov Az Terminal” qarşılaşması ilə yekun vurulub. UNEC-in idman zalında baş tutan görüş “Murov Az Terminal” 3:0 hesablı qələbəyə sevinib.
Beləliklə, qadınların turnir cədvəlinə “Azərreyl” 48 xalla (16 qələbə) liderlik edir. “Murov Az Terminal” 40 xalla (14 qələbə) 2-ci, “Abşeron” 39 xalla (13 qələbə) 3-cü, “Gəncə” 30 xalla (10 qələbə) 4-cü, “Milli Aviasiya Akademiyası” 14 xalla (4 qələbə) 5-ci, qələbəsi və xalı olmayan UNEC isə sonuncu pillədədir.
“Gəncə” – “Abşeron” 3:0 (25:18, 25:20, 25:16)
“Azərreyl” – “Milli Aviasiya Akademiyası” 3:0 (25:7, 25:19, 25:18)
UNEC – “Murov Az Terminal” 0:3 (5:25, 11:25, 10:25)