MBA-da bu gecə daha 9 oyun baş tutub. Çempionatın lideri “Boston Seltiks” evdə “Oklahoma-Siti Tanders” üzərində inamlı qələbə qazanıb – 135:100. Qonaqların heyətində Şey Aleksandr-Gilg və Ceylen Vilyams olmayıb.
Oklahoma-Siti komandasının məğlubiyyətindən “Minnesota Timbervulvs” faydalanıb. Uzun müddət konfransa başçılıq edən komanda “Toronto Reptors”u məğlub edib – 133:85. “Finiks Sans” isə “Klivlend Kavalers”ə 122:101 hesabı ilə qalib gəlib. Devin Bulerin aktivində 40 xal var.
Şərq konfransının digər bir güclü komandası “Miluoki Baks” da məğlub olub. Adetokumbonun 21 xal topladığı oyunda “Baks” “Memfis Qrizliz”lə bacarmayıb – 101:111. Qonaqların heyətində Caren Cekson 35 xal toplayıb.
“Atlanta Houks” evdə “Detroyt Pistons”dan üstün olub. 121:113 hesabı ilə başa çatan görüşdə Conson tripl-dabl edib.
“Los-Anceles Leykers” qələbə seriyasını davam etdirərək paytaxt komandasını məğlub edib. 125:120 hesabı ilə bitən qarşılaşmada Lebron Ceyms 25 , Entoni Devis isə 35 xalla oynayıb.