MBA-da bu gecə 12 oyun keçirilib. Qərb konfransında birinci olmağa iddia edən “Minnesota Timbervulvs” və “Oklahoma-Siti” komandalarının hər ikisi məğlub olub. Minnesota təmsilçisi “Finiks Sans”la bacarmayıb (87:97), “Tanders” isə İndianadan əliboş dönüb – 112:126.
Luka Donçiçin oynamadığı görüşdə “Dallas Maveriks” Qolden Steyt Vorriors”u 108:106 hesabı ilə məğlub edib. Sloveniyalı basketbolçunun yoxluğundan Vaşinqton istifadə edərək 32 xal toplayıb.
Ardıcıl qələbələrdən sonra “Hyuston Rokets”də məğlubiyyət seriyası davam edir. Bu dəfə onlar “Mayami Hits”ə məğlub olublar – 108:119.
Yannis Adetokumbonun yoxluğunda “Miluoki Baks” növbəti uğursuzluqla (111:117) üzləşib. Lillardın 36 xalı da məğlubiyyətdən xilas olmağa yetərli olmayıb.
Çikaqo komandası evdə “Nyu-York Niks”ə, “Memfis Qrizliz” isə “Detroyt Pistons”a qalib gəlib.