“Hər iki komanda üçün vacib və çətin oyun idi”. Bunu futbolinfo.az-a açıqlamasında “Kəpəz”in futbolçusu Mate Kvirkviya deyib.
Gürcüstanlı futbolçu Misli Premyer Liqasının 29-cu turunda “Araz-Naxçvan”a 2:1 hesabı ilə qalib gəldikləri qarşılaşmadan söz açıb: “Oyunun gedişində məğlub duruma düşsək də, özümüzə inandıq. Bunun sayəsində də qələbə qazandıq. Artıq “Qəbələ” ilə aramızda böyük fərq var. Amma biz mümkün qədər daha çox xal qazanmaq istəyirik. İlk gündən də əmin idim ki, biz bunu bacaracağıq. Çox adam bizə inanmırdı, amma indi inanacaqlar”.
Kvrikviya vurduğu qələbə qolunu isə belə şərh edib: “Qol vurmaq həmişə xoşdur. Mən əlbəttə ki, buna sevinirəm. Amma əsas odur ki, komanda qalib gəldi”.