“Mançester Yunayted” və “Real” yayda eyni utbolçu üçün mübarizə aparacaq. Qitə nəhənglərinin ortaq hədəfi “Jirona”nın cinah müdafiəçisi Migel Qutyerresdir.
Futbolinfo.az xəbər verir ki, bu mövsüm komandası ilə birlikdə La Liqada xarüqələr yaradan 22 yaşlı futbolçunun transfer dəyəri 20 milyon avrodur. İngiltərə klubunun daha çox maraq göstərdiyi Qutyerresin İspaniyada qalmaq şansı da var. Çünki o, 2022-ci ilin avqustunda məhz “Real”dan 4 milyon avroya transfer olunub. Anlaşmadakı şərtə görə futbolçunun satışı zamanı ilk haqq məhz madridlilərdədir.
“Xetafe”də yetişdikdən sonra 6 il “Real”ın aşağı yaş qruplarında oynamış Migel başqa bir komandaya keçərsə də, transfer məbləğinin yarısı İspaniya nəhənginə çatacaq. Onun “Jirona” ilə 2027-ci ilin yayınadək rəsmi anlaşmasının olduğunu da xatırladaq.