Dünya reytinqinin bir nömrəsi Novak Cokoviç Yannik Sinnerin nə vaxt onu keçəcəyi və planları haqqında danışıb.
“Yannik Sinnerin reytinqə başçılıq edəcəyi şübhə doğurmamalıdır. Bu, bir neçə həftənin məsələsidir. Hər şey gün kimi aydındır.
Mənim məqsədim reytinqə başçılıq etmək deyil. Bu il əsas hədəfim “Ronal Qarros”dan başlayaraq ABŞ açıq çempionatına qədər yaxşı oynamaqdır. Həmin hissəyə isə “Uimbldon” ilə Olimpiya Oyunları daxildir”, – deyə serbiyalı tennisçi qeyd edib.
Xatırladaq ki, Cokoviç “Masters” seriyalı turnirdə iştirak edir. Monte-Karloda onun rəqibi bu gün Roman Safiullin olacaq.