Luis Dias “Liverpul”dan ayrıla bilər. Kolumbiyalı cinah hücumçusu PSJ-dən ciddi təklif alıb.
Futbolinfo.az xəbər verir ki, Fransa klubu Kilian Mbappenin əvəzedicisi rolunda ona da maraq göstərir. Parislilər İngiltərə klubuna 75 milyon funt-sterlinq dəyərində təkliflər paketi göndərəcək.
Dias iki il öncə “Portu”dan 47 milyon avroya transfer edilib. Onun “Liverpul”la 2027-ci ilin yayınadək müqaviləsi var.
Luis özü də mersisaydlıları tərk etməyin əleyhinə deyil. 27 yaşlı oyunçu baş məşqçi Yürgen Kloppun yayda postundan gedişindən sonra komandanın indiki əzəmətini itirəcəyindən narahatdır.