“Tottenhem” yayda Niko Uilyamsı heyətinə qatmaq istəyir. Londonlular mövsüm bitən kimi “Atletik”ə rəsmi təklif göndərəcək.
Futbolinfo.az xəbər verir ki, “Barselona”nın da izlədiyi vinger İngiltərəyə can atır. Londonlular da onun müqaviləsində nəzərdə tutulan 42,8 milyon funt-sterlinqlik sərbəstqalma maddəsini aktivləşdirməyin əleyhinə deyil. Həmin məbləğ ödənilsə, bilbaoluların razılıq verməkdən başqa çarəsi qalmayacaq. “Tottenhem”in yeganə problemi futbolçunun özü ilə şəxsi müqavilənin detallarını razılaşdırmaqdır.
21 yaşlı futbolçunun “Atletik”lə 2027-ci ilin yayınadək müqaviləsi var. O, klubun öz yetirməsidir.