“Bayer” ötən gecə tarixi rekorda imza atıb. Almanlar buna Avropa Liqasının 1/4 finalının cavab oyunları çərçivəsində “Vest Hem”lə heç-heçə (1:1) etməklə nail olub.
Leverkuzen təmsilçisi bütün yarışlarda məğlubiyyətsizlik seriyasını 44 matça çatdırıb. Bununla da “Bayer” Avropanın TOP-5 liqalarındakı komandalar arasında rekorda imza atıb.
Əvvəlki rekord 2011/2012 mövsümündə ardıcıl 43 matçda məğlub olmayan “Yuventus”a məxsus idi.
Xatırladaq ki, Xabi Alonsonun komandası artıq Bundesliqada çempionluğu rəsmiləşdirib. Həmçinin komanda Avropa Liqasında 2 oyunun cəmində “Vest Hem”i üstələyərək yarımfinala adlayıb. Almaniya klubu bu mərhələdə “Roma” ilə üz-üzə gələcək. Leverkuzenlilər ölkə kubokunda da finaldadır.