Yeni mövsümün planlarını cızan “Bayern” bir sıra futbolçularla danışıq aparır. Onlar arasında ilk sırada Adrian Rabyonun adı var.
Futbolinfo.az xəbər verir ki, münhenlilər yayda “Barselona”ya keçmək istəyən Josua Kimmixi məhz fransız dayaq yarımmüdafiəçi ilə əvəzləmək niyyətindədir. İngiltərə klublarının da maraq göstərdiyi futbolçunun anası meneceri olduğu oğlunun “Yuventus”da qalmaq variantını da müzakirə edir.
29 yaşlı futbolçu 2019-cu ildə PSJ-dən Turin klubuna keçib. O, Fransa təmsilçisini də azad agent kimi tərk etmişdi. “Bayern” də Rabioya görə transfer haqqı ödəməyəcəyindən bu keçidin reallaşmasında israrlıdır.