Tanınmış “Basket News” idman portalı Avroliqanın oyunçuları arasında sorğu keçirərək, rəmzi komandanın heyətini müəyyənləşdirib.
Sorğunun nəticələrinə görə, ilk beşliyə aşağıdakı basketbolçular daxil ediliblər:
“Monako”nun pleymeykeri Mayk Ceyms – 92% səs
“Panatinaikos”un mərkəz basketbolçusu Matias Lessor – 76% səs
Madrid “Real”ının pleymeykeri Fakundo Kampazzo – 60% səs
“Makkabi” Tel-Əvivin pleymeykeri Veyd Bolduin – 48% səs
“Fənərbağça”nın forvardı Naycel Hayes – 40% səs
Xatırladaq ki, Mayk Ceyms 2022-ci ildə də Avroliqanın rəmzi komandasında yer almışdı. Bundan əlavə, o, 2019 və 2023-cü illərdə iki dəfə ikinci “All-Star” komandaya seçilib. 2019-2021-ci illərdə Ceyms SSKA-da oynayıb, 2021-ci ilin payızında isə Rusiya komandası ilə müqaviləsini ləğv edərək “Monako” ilə anlaşıb.