MBA-da bu gecə ikinci raundun daha iki oyunu keçirilib. Seriyanın 4-cü oyunlarından sonra hesablar bərabərləşib.
Evdə keçirdiyi ilk iki oyunda məğlub olan “Denver Naggets” səfərdə yenə də qalib gəlib – 115:107. Bununla da , son çempion əldən verdiyi ev üstünlüyünü geri qaytarıb.
Oyunun ən məhsuldar basketbolçusu Entoni Edvards olub. “Minnesota Timbervulvz”un liderinin aktivində 44 xal var. Onun komanda yoldaşları Karl Entoni Tauns və Rudi Qober dabl-dabl ediblər. Qonaq komandada Nikola Yokiç 35 xal toplayıb.
Şərq konfransında “İndiana Peysers” doğma arenada “Nyu-York Niks”i üstələyib – 121:89. Bu asan qələbə sayəsində İndiana təmsilçisi seriyada tarazlığı bərpa edib. Növbəti oyun Nyu-Yorkda keçiriləcək.