MBA-da bu gecə ikinci raundun iki oyunu keçirilib. “Denver Naggets” nəhayət ki, doğma arenada qələbə qazana bilib.
Xatırladaq ki, seriyanın ilk 4 oyununda yalnız qonaqlar qalib gəlmişdilər. Bu dəfə “Minnesota Timbervulvz” bunu etməyi bacarmayıb. Nəticədə 2:0 öndə olan komanda artıq geri düşüb.
Denverdə oyundan əvvəl Nikola Yokiçə mövsümün MVP-si mükafatı təqdim edilib. Serb basketbolçu bundan ilhamlanaraq oyunu 40 xalla başa vurub. 7 ribaund edən mərkəz basketbolçusunun aktivində 13 də asist var. Seriyada növbəti oyun Minnesotada keçiriləcək.
Nyu-Yorkda da qələbə meydan sahiblərinə qismət olub. “Niks” 121:91 hesablı qələbə sayəsində seriyada önə çıxıb – 3:2. Meydan sahiblərinin heyətində Ceylen Branson 44 xal toplayıb. “İndiana Peysers”də isə ən məhsuldar Paskal Siakam olub (22 xal).