Parisdə Olimpiadalar tarixində ilk dəfə olaraq Olimpiya kəndində uşaq bağçası fəaliyyət göstərəcək. Bağça kəndin qeyri-qonaq zonasında yerləşəcək və hər gün saat 9:00-dan 21:00-dək açıq olacaq.
“Bir çox idmançı həm də ailə başçısıdır. Körpə uşağın nə demək olduğunu çox gözəl bilirəm. Özüm də 2014-cü ildə bununla rastlaşmışam.
Həm valideyn, həm də uşaq üçün bir yerdə vaxt keçirmək çox faydalıdır. Xüsusilə də, həyatın belə bir vacib məqamında onun faydası xeyli artır”, – deyə Beynəlxalq Olimpiya Komitəsinin idmançılarla iş üzrə komissiyasının rəhbəri Emma Terxo bildirib.