Azərbaycanlı futbolçuların oynadığı klublar Türkiyə Super Liqasına vəsiqə uğrunda pley-off matçına çıxacaqlar.
Futbolinfo.az xəbər verir ki, 1-ci Liqada pley-off mərhələsi bu gün başlayacaq.
Azərbaycan millisinin üzvü Vüsal İsgəndərlinin çıxış etdiyi “Boluspor” ilk mərhələdə “Bodrumspor”la üz-üzə gələcək. Qarşılaşma Bakı vaxtı ilə saat 18:00-da start götürəcək.
Yığmanın digər üzvü Ramil Şeydayevin şərəfini qoruduğu “Kocaelispor” isə “Çorum”un müqavimətini qırmağa çalışacaq. Bu görüş saat 21:00-da başlayacaq.
Bu qarşılaşmalarda qalib gələn komandalar bir-birinə rəqib olacaqlar. Həmin matç isə mayın 20-də gerçəkləşəcək. Bu dueldə sevinən tərəf isə mayın 30-da finalda “Sakaryaspor”la üz-üzə gələcək.