“Vacib qələbə qazandıq. Ağır oyun idi. Həm meydança amili, həm havanın isti olması təsirini göstərdi”. Bunu futbolinfo.az-a açıqlamasında “Zirə”nin müdafiəçisi Məqsəd İsayev deyib.
O, Misli Premyer Liqasının 35-ci turunda “Kəpəz” üzərindəki 1:0 hesablı qələbədən danışıb: “Şükür ki, bütün çətinliklərə baxmayaraq, qələbə qazandıq. Bundan sonra iki final oyunumuz var. Çalışacağıq ki, iksində də qalib gələk. Hər şey öz əlimizdədir. Çempionatda ikinci olmaq şansımız da qalır. Ona görə də mübarizə aparacağıq. “Səbail”ə qarşı həlledici oyunumuz var. Yüksək səviyyədə hazırlaşıb qələbə qazanacağıq. Daha sonra ölkə kubokunun finalı barədə düşünəcəyik”.
İsayev mövsümü özləri üçün yaxşı sayır: “Fikrimcə, yaxşı mövsüm oldu. Həm finala vəsiqə qazandıq, həm ikincilik şansımız var”.